Vísindavøkubúmerki
Leita

Um Vísindavøkuna

VÍSINDAVØKA SKAL KVEIKJA ÁHUGA FYRI VITAN

Á hvørjum ári skipa Granskingarráðið og granskingarstovnarnir í Føroyum fyri Vísindavøku. Endamálið er at økja um áhugan fyri gransking, menning og nýskapan og fyri granskingargrundaðari vitan í samfelagnum.

Tiltakið er sprottið úr átakinum European Researchers’ Night, sum hvørt ár verður fyriskipað seinasta fríggjakvøld í september og í døgunum frammanundan. Tiltakið verður hildið í býum kring alt Europa.

Við Vísindavøkuni ynskja Granskingarráðið og stovnarnir at skapa øktan kunnleika til og áhuga fyri tí, sum fer fram innan føroyska granskingar- og menningarheimin.

Høvi er hjá stórum og smáum at hitta granskarar og onnur vitanarstarvsfólk síggja og hoyra, hvat tey arbeiða við og hvat hetta hevur at týða fyri fólk í Føroyum.

Vísindavøkan 2022 var tann 15. í røðini. Hon var 23. september í Løkshøll.

Á skránni vóru framløgur, tiltøk og framsýningar bæði inni og úti. Umframt tiltøkini í Løkshøll var Vísindavøkan eisini á ferð við framløgum í Havn, í Klaksvík, í Sørvági, á Sandi og í Hovi.